ودبشير ارض الشمال
مرحبا بالزاير الكريم انت لم تسجل بعد سارع
بالتسجيل
او الدخول
‏ ‏ نرجو ان تجدوا ما يسركم و نتعاون معا ليرتقي الي ما نصبو اليه

والله ولي التوفيق
ودبشير ارض الشمال

اسلاامي / اجتماعي / ثقافي / رياضي/ برامج والعاب / اكواد دعم منتديات
 
الرئيسيةالرئيسية  البوابةالبوابة  المنشوراتالمنشورات  التسجيلالتسجيل  دخول  صفحتنا على الفيس بكصفحتنا على الفيس بك  

شاطر | 
 

 ام دهيبون

اذهب الى الأسفل 
كاتب الموضوعرسالة
Admin
Admin
avatar

عدد المساهمات : 795
تاريخ التسجيل : 30/03/2012
العمر : 62
الموقع : wadbashir.2morpg.Com

مُساهمةموضوع: ام دهيبون   الأربعاء سبتمبر 21, 2016 9:02 am

ﺍﻡ ﺩﻫﻴﺒﻮﻥ
***************
ﻛﺎﻥ ﻓﻲ ﻗﺮﻳﺔ ﺑﻨﺖ ﺟﺎﺕ
ﺍﺧﺮ ﺍﻟﻌﻨﻘﻮﺩ ﻭﻛﺎﻥ ﺍﻟﻔﺮﻕ
ﺑﻴﻨﻬﺎ ﻭﺑﻴﻦ ﺑﺎﻗﻲ ﺍﺧﻮﺍﻧﻬﺎ
ﻭﺍﺧﻮﺍﺗﻬﺎ ﻛﺒﻴﺮ ﺷﺪﻳﺪ.ﺍﺑﻮﻫﺎ
ﻭﺍﺧﻮﺍﻧﻬﺎ ﻛﺎﻧﻮﺍ ﻣﻦ ﺍﻛﺒﺮ
ﺍﻟﺘﺠﺎﺭ ﻭﺩﻟﻌﻮﻫﺎ ﺩﻟﻊ
ﺷﺪﻳﺪ.ﻛﺎﻧﺖ ﺍﻛﺜﺮ ﺍﻟﺒﻨﺎﺕ
ﺫﻫﺒﺎ ﻣﻜﻨﻜﺸﺔ ﻛﻨﻜﻴﺶ ﻣﺎ
ﻋﺎﺩﻱ. ﻋﺸﺎﻥ ﻛﺪﻩ ﺳﻤﻮﻫﺎ
ﺍﻡ ﺩﻫﻴﺒﻮﻥ.
ﻳﻮﻡ ﺍﺗﻠﻤﻮﺍ ﺍﻟﺒﻨﺎﺕ ﻳﻠﻌﺒﻮﺍ
ﻭﻣﺸﻮﺍ ﻋﻠﻰ ﺟﻪ ﺍﻟﻐﺎﺑﺔ
ﻟﻘﻮﺍ ﻟﻴﻬﻢ ﺷﺠﺮ ﻧﺒﻖ‏( ﺳﺪﺭ ‏)
ﺷﺎﻳﻞ ﺷﻴﻞ ﺗﻘﻴﻞ. ﻭﻗﺎﻣﻮﺍ
ﺍﺗﻔﻘﻮﺍ ﺯﻭﻝ ﻳﻄﻠﻊ ﻳﺤﺖ
ﺍﻟﻨﺒﻖ ﻭﺍﻟﺒﺎﻗﻴﻦ ﻳﻠﻘﻄﻮﺍ.
ﻗﺎﻟﻮﺍ ﻟﻲ ﺍﻡ ﺩﻫﺒﻮﻥ ﺍﻧﺘﻲ
ﻣﺪﻟﻌﻪ ﻭﻃﻠﻮﻉ ﺍﻟﺸﺠﺮ ﻣﺎ
ﺑﺘﻘﺪﺭﻱ ﻋﻠﻴﻪ.
ﻭﻫﻲ ﺯﻋﻠﺖ ﻭﺍﺻﺮﺕ ﺗﻄﻠﻊ
ﻭﻓﻌﻼ ﻃﻠﻌﺖ.ﻭﺣﺘﺖ ﻟﻴﻬﻢ
ﺍﻟﻨﺒﻖ ﻛﻠﻮﺍ.ﺑﻘﻮﺍ ﻫﻢ ﻳﻠﻘﻄﻮﺍ
ﻓﻲ ﺍﻟﻨﺒﻖ ﺍﻟﺴﻤﺢ ﻭﻳﺨﺘﻮﺍ
ﻟﻴﻬﻢ ﻭﺍﻟﻜﻌﺐ ﻭﺍﻟﻨﻲ
ﻳﺨﺘﻮﻩ ﻟﻴﻬﺎ.ﻟﺤﺪﻱ ﻣﺎ
ﻧﺰﻟﺖ.
ﻭﻛﻞ ﺯﻭﻝ ﺷﺎﻝ ﻧﺒﻘﻮﺍ ﻭﻛﺎﻥ
ﻣﺼﺮﻭﺭ.ﻟﺤﺪﻱ ﻣﺎ ﻭﺻﻠﻮﺍ
ﺍﻟﺒﺌﺮ.
ﻗﺎﻟﻮﺍ ﻧﺸﻮﻑ ﻧﺒﻖ ﻛﻞ ﺯﻭﻝ.
ﻛﻞ ﻭﺣﺪﻩ ﻧﺒﻘﻬﺎ ﺍﺳﻤﺢ ﻣﻦ
ﺍﻟﺜﺎﻧﻴﺔ ﺍﻻ ﺍﻡ ﺩﻫﺒﻮﻥ ﺣﻘﻬﺎ
ﻛﻠﻮﺍ ﻛﻌﺐ.
ﺯﻋﻠﺖ ﺷﺪﻳﺪ ﻭﻗﺎﻟﺖ ﺍﻧﺎ
ﺭﺍﺟﻌﻪ ﺗﺎﻧﻲ ﺃﻟﻘﻂ ﺍﺭﺡ
ﻣﻌﺎﻱ.ﻛﻠﻬﻢ ﺍﺑﻮ.ﻭﻗﺎﻟﻮﺍ
ﺗﻌﺒﺎﻧﻴﻦ ﺑﻨﺴﺘﻨﺎﻙ ﺟﻤﺐ
ﺍﻟﺒﺌﺮ ﺩﻱ. ﻭﻫﻲ ﻣﺸﺖ
ﺑﺮﺍﻫﺎ ﺯﻋﻼﻧﺔ ﻣﻦ ﺣﻘﺎﺭﺓ
ﺍﻟﺒﻨﺎﺕ.
ﻟﻘﻄﺖ ﻧﺒﻖ ﺍﺳﻤﺢ ﻣﻦ
ﺣﻘﻬﻢ ﻭﺭﺟﻌﺖ
ﻟﻴﻬﻢ. ﻭﻭﺭﺗﻬﻢ ﻧﺒﻘﻬﺎ ﻭﻫﻢ
ﺍﺗﻐﺎﺿﻮﺍ ﺷﺪﻳﺪ.ﺳﺎﻟﺘﻬﻢ
ﺍﻧﺘﻮﺍ ﺷﺮﺑﺘﻮﺍ ﺑﺸﻨﻮ؟؟
ﻗﺎﻟﻮﺍ ﻟﻴﻬﺎ ﺭﻣﻴﻨﺎ ﺫﻫﺒﻨﺎ
ﻭﺍﻟﻤﻮﻳﺔ ﻃﻔﺤﺖ ﺟﺎﺑﺖ
ﻟﻴﻨﺎ ﺫﻫﺒﻨﺎ ﻭﺷﺮﺑﻨﺎ.
ﻗﺎﻟﺖ ﻟﻴﻬﻢ ﻳﻌﻨﻲ ﺍﻧﺎ ﻟﻮ
ﺭﻣﻴﺖ ﺫﻫﺒﻲ ﺑﻴﺠﻴﻨﻲ
ﺗﺎﻧﻲ؟؟؟.
ﻗﺎﻟﻮﺍ ﻟﻴﻬﺎ ﺍﻱ ﻧﺤﻨﺎ ﻋﻤﻠﻨﺎ
ﻛﺪﻩ.
ﻭﻓﻌﻼ ﺷﺎﻟﺖ ﺫﻫﺒﻬﺎ ﻛﻠﻮﺍ
ﻭﺭﻣﺘﻮﺍ ﻓﻲ ﺍﻟﺒﺌﺮ .
ﺑﻌﺪ ﻣﺎ ﺷﺎﻟﺖ ﺍﻡ ﺩﻫﻴﺒﻮﻥ
ﺩﻫﺒﻬﺎ ﻛﻠﻮ ﻭﺭﻣﺘﻮﺍ ﻓﻲ
ﺍﻟﺒﺌﺮ
ﻭﻗﻌﺪﺕ ﺍﺳﺘﻨﺖ ﺍﻟﻤﻮﻳﺔ
ﺗﻄﻠﻊ ﻭﺗﺮﺟﻊ ﻟﻴﻬﺎ ﺍﻟﺬﻫﺐ
ﻭﻻ ﺣﺲ ﻭﻻ ﺧﺒﺮ
ﻭﺍﻟﺒﻨﺎﺕ ﻗﻌﺪﻭﺍ ﻳﻀﺤﻜﻮﺍ
ﻓﻴﻬﺎ
ﻏﺸﻴﻨﺎﻛﻲ ﻳﺎ ﻋﻮﻳﺮﺓ
ﺷﺮﺑﻨﺎ ﻭﺩﺳﻴﻨﺎ ﺍﻟﺠﺮﻛﺎﻧﺔ
ﻭﻣﺸﻮﺍ ﺧﻠﻮﻫﺎ
ﻭﻫﻲ ﻗﻌﺪﺕ ﻣﺘﻤﺤﻨﺔ ﻓﻲ
ﺍﻟﻤﺼﻴﺒﺔ ﺍﻟﺠﺎﺗﺔ ﺑﻼﺩﺗﻬﺎ ﻓﻲ
ﺗﺼﺪﻳﻖ ﺍﻟﺒﻨﺎﺕ
ﻭﻓﺠﺄﺓ ﺟﺎﺕ ﻫﺒﻮﺏ
ﺻﻔﺮﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍﺍ
ﻗﺎﻣﺖ ﻗﻌﺪﺕ ﺗﻜﻮﺭﻙ ﺍﻟﻠﻪ
ﻟﻲ ﻣﻨﻚ ﻳﺎ ﺍﻟﻬﺒﻮﺏ
ﻭﺍﻟﻬﺒﻮﺏ ﺭﺩﺕ ﻋﻠﻴﻬﺎ
ﺍﻟﻠﻪ ﻟﻴﻚ ﻣﻦ
ﺍﻟﻮﺭﺍﻱ !!!!!!!!!!!!!!!
ﻭﺟﺎﺕ ﺑﻌﺪﻫﺎ ﻫﺒﻮﺏ
ﺣﻤﺮﺍﺍﺍﺍﺍﺍﺍﺍﺍﺍﺍﺍﺍﺍﺍﺍ
ﻭﻗﻌﺪﺕ ﺗﻜﻮﺭﻙ ﻟﻴﻬﺎ
ﺍﻟﻠﻪ ﻟﻲ ﻣﻨﻚ ﻳﺎ ﺍﻟﻬﺒﻮﺏ
ﻭﺍﻟﻬﺒﻮﺏ ﺭﺩﺕ ﻋﻠﻴﻬﺎ
ﺍﻟﻠﻪ ﻟﻴﻚ ﻣﻦ
ﺍﻟﻮﺭﺍﻱ !!!!!!!!!!!!!!!!!!!!!!
ﻭﺟﺎﺕ ﺑﻌﺪﻫﺎ ﻫﺒﻮﺏ
ﺳﻮﺩﺍﺍﺍﺍﺍﺍﺍﺍﺍﺍﺍﺍﺍﺍﺍﺍ
ﻭﻗﻌﺪﺕ ﺗﻜﻮﺭﻙ ﻟﻴﻬﺎ
ﺍﻟﻠﻪ ﻟﻲ ﻣﻨﻚ ﻳﺎ ﺍﻟﻬﺒﻮﺏ
ﻭﺍﻟﻬﺒﻮﺏ ﺭﺩﺕ ﻋﻠﻴﻬﺎ
ﺍﻟﻠﻪ ﻟﻴﻚ ﻣﻦ
ﺍﻟﺠﻮﺍﻱ !!!!!!!!!!!!!!!
ﻭﻓﺠﺄﺓ ﻃﻠﻊ ﻟﻴﻬﺎ
ﻏﻮﻝ :000:
ﻭﺍﻡ ﺩﻫﻴﺒﻮﻥ ﻗﻌﺪﺕ ﺗﺒﻜﻲ
ﻭﺗﺒﻜﻲ ﺑﻜﺎﺀ ﻳﻘﻄﻊ ﺍﻟﻘﻠﺐ
ﺍﻟﻐﻮﻝ ﻗﺎﻝ ﻟﻴﻬﺎ ﻣﺎﻟﻚ ﻳﺎ
ﺑﺖ ﻗﻌﺪ ﺗﺒﻜﻲ
ﻗﺎﻟﺖ ﻟﻴﻪ ﺑﻨﺎﺕ ﺍﻟﺤﻠﺔ
ﻏﺸﻮﻧﻲ ﻭﺧﻠﻮﻧﻲ ﺍﺭﻣﻲ
ﺩﻫﺒﻲ ﻛﻠﻮ ﻓﻲ ﺍﻟﺒﺌﺮ
ﺍﻟﻐﻮﻝ ﻗﺎﻝ ﻟﻴﻬﺎ ﺍﻧﺎ ﺑﻄﻠﻌﻮﺍ
ﻟﻜﻦ ﺑﺸﺮﻁ ﺗﻌﺮﺳﻴﻨﻲ
ﺍﻡ ﺩﻫﻴﺒﻮﻥ ﻭﺍﻓﻘﺖ ﻛﺎﻥ
ﺍﺑﺖ ﺣﻴﺎﻛﻠﻬﺎ ﺍﻟﻐﻮﻝ ﻭﻣﺎ
ﻓﻲ ﺍﻱ ﻓﺎﺋﺪﺓ
ﻗﺎﻟﺖ ﻟﻴﻪ ﺍﻱ ﺑﻮﺍﻓﻖ
ﻭﺍﻟﻐﻮﻝ ﻗﻌﺪ ﻳﺸﺮﺏ
ﻭﻳﺸﺮﺏ ﻓﻲ ﻣﻮﻳﺔ ﺍﻟﺒﺌﺮ
ﻟﻤﻦ ﺧﻠﺼﺖ ﻭﻃﻠﻊ ﻟﻴﻬﺎ
ﺫﻫﺒﻬﺎ ﻛﻠﻮﺍ
ﻭﺧﻄﻒ ﺍﻡ ﺩﻫﻴﺒﻮﻥ ﻭﻣﺸﻰ
ﺍﻟﺒﻨﺎﺕ ﻟﻤﻦ ﺭﺟﻌﻮﺍ ﺧﺎﻓﻮﺍ
ﻋﻠﻰ ﺍﻡ ﺩﻫﻴﺒﻮﻥ ﺍﻟﺨﻠﻮﻫﺎ
ﺑﺮﺍﻫﺎ ﻭﺧﺎﻓﻮﺍ ﺗﻜﻠﻢ ﺍﻫﻠﻬﺎ
ﻭﻟﻤﻦ ﺭﺟﻌﻮﺍ ﻟﻴﻘﻮﻫﺎ ﻣﺎﻓﻲ
ﻭﺟﺮﻭﺍ ﻟﻲ ﺍﻫﻠﻬﺎ ﻛﻠﻤﻮﻫﻢ
ﻭﻭﺭﻭﻫﻢ ﺍﻧﻬﻢ ﺭﺟﻌﻮﺍ ﻣﺎ
ﻟﻘﻮﺍ ﺍﻡ ﺩﻫﻴﺒﻮﻥ
ﻭﺍﻫﻠﻬﺎ ﺭﺟﻌﻮﺍ ﻣﻌﺎﻫﻢ ﻭﻣﺎ
ﻟﻘﻴﻮﺍ ﺣﺎﺟﺔ
ﻗﺼﻮﺍ ﺍﻟﺪﺭﺏ ﻟﻘﻴﻮﺍ ﺍﺛﺮ
ﺍﻟﻐﻮﻝ
ﻭﻗﺎﻝ ﻛﺪﻱ ﻧﻤﺸﻲ ﻟﻠﻌﺠﻮﺯ
ﻧﺴﺎﻟﻬﺎ ﻋﻦ ﺍﻟﻌﻤﻞ
ﻭﻣﺸﻮﺍ ﻟﻠﻌﺠﻮﺯ
ﻭﻗﺎﻟﻮﺍ: ﻋﺠﻮﺯ ﻛﻼﻣﻚ ﻳﺠﻮﺯ
ﻭﺭﻳﻨﺎ ﻧﻌﻤﻞ ﻟﻲ ﺑﺘﻨﺎ ﺍﻡ
ﺩﻫﻴﺒﻮﻥ ﺷﻨﻮ
ﺍﻟﻌﺠﻮﺯ ﻗﺎﻟﺖ ﻟﻴﻬﻢ ﺗﻤﺸﻮﺍ
ﻟﻲ ﺑﻴﺖ ﺍﻟﻐﻮﻝ
ﻟﻘﻴﺘﻮﻩ ﻧﺎﻳﻢ ﻣﻌﻨﺎﻩ ﺻﺎﺣﻲ
ﻟﻘﻴﺘﻮﻩ ﻣﻔﺘﺢ ﻣﻌﻨﺎﺗﻮﺍ ﻧﺎﻳﻢ
ﺗﻜﺴﺮﻭﺍ ﺍﻱ ﺣﺎﺟﺔ ﻓﻲ
ﺍﻟﺒﻴﺖ ﻭﺗﺸﻴﻠﻮﺍ ﺑﺘﻜﻢ
ﻭﺗﺠﺮﻭﺍ ﻭﺗﻤﺴﻮﺍ ﺍﻟﺪﺭﺏ
ﺍﻟﻮﺭﺍﻛﻢ.
ﻭﻓﻌﻼ ﻣﺸﻮﺍ ﻟﻘﻮﻩ ﻣﻔﺘﺢ
ﻛﺴﺮﻭﺍ ﺍﻟﻌﺪﻩ ﺍﻟﻔﻲ ﺍﻟﺒﻴﺖ
ﻭﻧﺴﻮﺍ ﺍﻟﺤﺠﺮ ﺍﻟﺒﻴﻄﺤﻨﻮﺍ
ﺑﺔ ‏(ﺍﻟﺪﺣﺎﻳﺔ‏)
ﻭﺷﺎﻟﻮﺍ ﺍﻡ ﺩﻫﻴﺒﻮﻥ ﻭﺟﺮﻭﺍ
ﺑﻘﺖ ﺍﻟﺪﺣﺎﻳﺔ ﺗﻄﻴﺮ ﻓﻮﻕ
ﻭﺗﻨﺰﻝ ﺗﻀﺮﺏ ﻓﻲ ﺭﺍﺱ
ﺍﻟﻐﻮﻝ ﻭﻳﻜﻮﺭﻙ: ﻏﻮﻝ ﻳﺎ
ﻏﻮﻝ ﻗﻮﻡ ﻳﺎ ﻏﻮﻝ
ﺑﺘﻚ ﺧﺘﻔﻮﻫﺎ ﺍﻟﺮﺟﺎﻝ
ﺍﻟﻐﻮﻝ ﻗﺎﻡ ﻋﻠﻰ ﺣﻴﻠﻮ
ﻭﻓﺘﺶ ﻭﻣﺎ ﻗﺪﺭ ﻳﻠﺤﻘﻬﻢ
ﻋﺸﺎﻥ ﺍﻟﺪﺭﺏ ﺍﻟﻤﻤﺴﻮﺡ
ﻭﺍﺗﻐﺎﻅ ﻏﻴﻈﺔ
ﻟﻜﻦ ﻳﻌﻤﻞ ﺷﻨﻮ
ﻭﺍﻡ ﺩﻫﻴﺒﻮﻥ ﺍﺗﻌﻈﺖ
ﻭﺑﻘﺖ ﻣﺎ ﺑﺘﻤﺮﻕ ﺫﻫﺒﻬﺎ
ﺧﺎﻟﺺ ﻷﻱ ﺳﺒﺐ
الرجوع الى أعلى الصفحة اذهب الى الأسفل
http://wadbashir.2morpg.com
 
ام دهيبون
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ودبشير ارض الشمال :: القسم الثاني اجتماعي :: المكتبة العامة :: الاحاجي السودانيه-
انتقل الى: