ودبشير ارض الشمال
مرحبا بالزاير الكريم انت لم تسجل بعد سارع
بالتسجيل
او الدخول
‏ ‏ نرجو ان تجدوا ما يسركم و نتعاون معا ليرتقي الي ما نصبو اليه

والله ولي التوفيق
ودبشير ارض الشمال

اسلاامي / اجتماعي / ثقافي / رياضي/ برامج والعاب / اكواد دعم منتديات
 
الرئيسيةالرئيسية  البوابةالبوابة  المنشوراتالمنشورات  التسجيلالتسجيل  دخول  صفحتنا على الفيس بكصفحتنا على الفيس بك  

شاطر | 
 

 ام توب بني

اذهب الى الأسفل 
كاتب الموضوعرسالة
Admin
Admin
avatar

عدد المساهمات : 795
تاريخ التسجيل : 30/03/2012
العمر : 62
الموقع : wadbashir.2morpg.Com

مُساهمةموضوع: ام توب بني   الأربعاء سبتمبر 21, 2016 8:59 am

ﺍﻡ ﺗﻮﺏ ﺑﻨﻲ
ﻓﻲ ﻣﻨﻄﻘﻪ ﻣﻦ ﻣﻨﺎﻃﻖ
ﺳﻮﺩﺍﻧﺎ ﺍﻟﺤﺒﻴﺐ ﻛﺎﻥ ﻓﻲ
ﺭﺟﻞ ﻣﺘﺰﻭﺝ ﻭﻟﻪ ﺳﻨﻴﻦ
ﻛﺜﻴﺮﻩ ﺷﺎﺀ ﺍﻟﻘﺪﺭ ﺍﻧﻮ ﻳﺤﺮﻡ
ﻣﻦ ﺍﻻﻃﻔﺎﻝ. ﻭﻛﺎﻥ ﻫﺬﺍ
ﺍﻟﺸﻲ ﺑﻴﺤﺰﻧﻮ ﻭﻣﺎﺛﺮﻭ.
ﻓﻲ ﻳﻮﻡ ﻣﻦ ﺍﻻﻳﺎﻡ ﻣﻊ
ﺍﻟﺼﺒﺎﺡ ﻗﺎﻡ ﻳﺪﻋﻲ ﺑﺎﻟﺨﻠﻒ
ﺍﻟﺼﺎﻟﺢ ﻭﻓﻌﻼ ﺍﺳﺘﺠﺎﺏ ﻟﻲ
ﺩﻋﺎﻩ ﻭﻭﻟﺪﺕ ﻟﻪ ﻃﻔﻠﻪ
ﻓﺮﺣﻪ ﻋﻤﺮﻭ.ﻓﺮﺡ ﺑﻴﻬﺎ ﻓﺮﺡ
ﻣﺎﻋﺎﺩﻱ ﻭﻛﻞ ﻣﺎ ﻛﺎﻧﺖ
ﺍﻟﻄﻔﻠﻪ ﺗﻜﺒﺮ ﻓﺮﺣﻮﺍ ﻛﺎﻥ
ﺑﻴﺰﻳﺪ ﻣﻌﺎﻫﺎ ﺍﻛﺘﺮ.
ﻭﺍﺻﺒﺤﺖ ﺷﺎﺑﻪ ﻭﻛﺎﻧﺖ
ﺑﺘﺤﺐ ﺍﻟﻠﻮﻥ ﺍﻟﺒﻨﻲ ﻭﻣﺎ
ﺑﺘﻠﺒﺲ ﻏﻴﺮﻭ ﻋﺸﺎﻥ ﻛﺪﻩ
ﺍﺷﺘﻬﺮﺕ ﺑﺎﻡ ﺗﻮﺏ
ﺑﻨﻲ.ﻛﺎﻧﺖ ﺍﺟﻤﻞ ﺑﻨﺎﺕ
ﺍﻟﺤﺘﻪ . ﻟﻮﻧﻬﺎ ﺍﺻﻔﺎﺭ ﺯﻱ
ﺍﻟﺬﻫﺐ ﻭﻋﻴﻮﻥ ﻛﺒﺎﺍﺍﺍﺍﺍﺍﺍﺍﺭ
ﻭﺭﻣﻮﺵ ﻃﻮﺍﺍﺍﺍﻝ ﺯﻱ
ﺍﻟﺴﻴﻮﻑ ﻣﺘﺮﺍﺻﺔ ﻭﺷﻌﺮ
ﺍﺳﻮﺩ ﻣﻦ ﺍﻟﻠﻴﻞ ﻭﻓﻲ ﻧﺺ
ﻇﻬﺮﻫﺎ ﻭﺍﻟﺤﻮﺍﺟﺐ ﻫﻼﻟﻴﻦ
ﻋﺪﻳﻞ ﻣﺮﺳﻮﻣﺎﺕ . ﻻﻃﻮﻳﻠﻪ
ﻭﻻ ﻗﺼﻴﺮﻩ ﻻ ﺳﻤﻴﻨﺔ ﻭﻻ
ﺿﻌﻴﻔﺔ. ﻛﻔﺎﻧﺎ ﻣﻦ ﺍﻟﻮﺻﻴﻒ
ﺍﻟﺒﺎﻗﻲ ﺍﻛﻴﺪ ﺑﺘﻌﺮﻓﻮﻩ. ﻛﺎﻥ
ﻋﻨﺪﻫﺎ ﺍﻋﺬﺏ ﺻﻮﺕ ﻟﻤﻦ
ﺗﻐﻨﻲ ﺍﻟﺠﻤﻴﻊ ﺑﻴﺴﻜﺖ.
ﻛﻞ ﺍﻟﺼﻔﺎﺕ ﺩﻱ ﺧﻠﺘﻬﺎ
ﺗﻜﻮﻥ ﻣﺤﺴﻮﺩﻩ ﻣﻦ ﺟﻤﻴﻊ
ﺑﻨﺎﺕ ﺍﻟﺤﻠﻪ.ﺍﻟﺪﺍﻳﺮ ﻳﺨﻄﺐ
ﻳﺨﻄﺐ ﺍﻡ ﺗﻮﺏ ﺑﻨﻲ
ﺍﻟﺒﻴﺤﺐ ﻭﻳﻌﺸﻖ ﺍﻡ ﺗﻮﺏ
ﺑﻨﻲ . ﺍﻡ ﺗﻮﺏ ﺑﻨﻲ ﻫﻲ
ﺍﻟﺴﻤﺤﻪ. ﺍﻡ ﺗﻮﺏ ﺑﻨﻲ ﻫﻲ
ﺍﻟﻈﺮﻳﻔﺔ ﺍﻟﻠﻄﻴﻔﻪ ...........
ﺍﻡ ﺗﻮﺏ ﺑﻨﻲ.......... ﺍﻡ
ﺗﻮﺏ ﺑﻨﻲ........... ﺍﻡ ﺗﻮﺏ
ﺑﻨﻲ ﺍﻱ ﺣﺎﺟﻪ ﺍﻡ ﺗﻮﺏ
ﺑﻨﻲ.
ﺍﺑﻮﻫﺎ ﻭﺍﻣﻬﺎ ﻛﺎﻧﻮ ﺑﻴﺨﺎﻓﻮﺍ
ﻋﻠﻴﻬﺎ ﺷﺪﻳﺪ ﻛﻴﻒ ﺩﻱ ﻣﺎ
ﺍﻟﺒﻜﺮ ﻭﺍﻟﺤﺘﺎﻟﻪ.
ﺟﺎﺀ ﻳﻮﻡ ﺍﺗﻠﻤﻮﺍ ﻓﻴﻪ ﺑﻨﺎﺕ
ﺍﻟﺤﻠﻪ ﻭﻗﺎﻟﻮﺍ ﻧﺤﻨﺎ ﺧﻼﺹ
ﻛﻔﺎﻧﺎ ﺯﻫﺠﻨﺎ ﻭﺩﺍﻳﺮﻳﻦ ﻧﻘﻌﺪ
ﻛﺪﻩ ﺍﻱ ﺯﻭﻝ ﺩﺍﻳﺮ ﻳﻌﺮﺱ
ﻳﻤﺸﻲ ﻟﻲ ﺍﻡ ﺗﻮﺏ ﺑﻨﻲ
.ﻫﻲ ﺯﺍﺗﻪ ﻗﺎﻋﺪﻩ ﺗﺮﻓﺾ
ﻭﻣﺎﺑﻴﺔ ﺍﻱ ﺯﻭﻝ. ﻛﺎﻥ
ﻋﺮﺳﺖ ﻛﺎﻥ ﺧﻠﺼﻨﺎ ﻣﻦ
ﺍﻟﻤﻮﺿﻮﻉ ﺑﺪﻝ ﻣﺎ ﻣﻄﻔﺸﻪ
ﻟﻴﻨﺎ ﺍﻟﻌﺮﺳﺎﻥ.
ﺍﻟﻤﻬﻢ ﺍﻟﺤﻘﺪ ﻭﺍﻟﻐﻴﺮﻩ
ﻋﻤﺘﻬﻢ ﻭﻗﺎﻣﻮﺍ ﺍﺗﻔﻘﻮﺍ
ﻳﻐﺪﺭﻭﺍ ﺑﻴﻬﺎ.
ﻟﻤﻦ ﺍﺗﻔﻘﻮﺍ ﺍﻟﺒﻨﺎﺕ ﻋﻠﻴﻬﺎ
ﻭﺍﻟﻐﻴﺮﻩ ﻋﺎﻣﻴﺎﻫﻢ ﻗﺎﻣﻮﺍ
ﻣﺸﻮﺍ ﻟﻴﻬﺎ ﻭﻗﺎﻟﻮﺍ ﻟﻴﻬﺎ ‏( ﺍﺭﺡ
ﻧﻤﺸﻲ ﺍﻟﺒﺤﺮ ﻧﻌﻮﻡ‏) ﻗﺎﻟﺖ
ﻟﻴﻬﻢ ﺍﻧﺎ ﺍﻣﻲ ﻗﻌﺪ ﺗﺤﻤﻴﻨﻲ
ﺍﻣﺸﻲ ﺍﻟﺒﺤﺮ ﻭﺍﻧﺎ ﻣﺎ ﺑﻌﺮﻑ
ﺍﻋﻮﻡ. ﻗﺎﻟﻮﺍ ﻟﻴﻬﺎ ﻣﺎ ﺗﻘﻮﻟﻲ
ﻟﻴﻬﺎ ﻭﺍﻧﺘﻲ ﺍﻟﻮﺣﻴﺪﻩ ﻓﻲ
ﺑﻨﺎﺕ ﺍﻟﺤﻠﻪ ﺍﻟﻤﺎ ﺑﺘﻌﺮﻓﻲ
ﺗﻌﻮﻣﻲ.ﻛﺪﻩ ﺍﻣﺸﻲ ﻣﻌﺎﻧﺎ
ﺑﻨﻌﻠﻤﻚ.
ﺍﻟﻤﻬﻢ ﻳﺤﻨﺴﻮﺍ ﻭﻳﺤﻨﺴﻮﺍ
ﻟﻤﻦ ﺭﺿﺖ ﺗﻤﺸﻲ
ﻣﻌﺎﻫﻢ.ﻭﻟﻤﻦ ﻧﺰﻟﻮﺍ ﺍﻟﺒﺤﺮ
ﺩﺧﻠﻮﺍ ﻋﺎﻣﻮﺍ ﻟﻲ ﺟﻮﻩ
ﻭﻟﺰﻭﻫﺎ ﺑﻌﻴﻴﻴﻴﻴﻴﺪ . ﻭﻃﻠﻌﻮﺍ
ﻫﺮﺑﻮﺍ.
ﺍﻡ ﺗﻮﺏ ﺑﻨﻲ ﻏﻄﺴﺖ
ﺍﻟﻐﻄﺴﻪ ﺍﻻﻭﻟﻰ ﻭﻃﻠﻌﺖ.
ﻭﻏﻄﺴﺖ ﺍﻟﻐﻄﺴﺔ ﺍﻟﺘﺎﻧﻴﺔ
ﻭﻃﻠﻌﺖ.ﻭﻏﻄﺴﺖ ﺍﻟﻐﻄﺴﺔ
ﺍﻟﺜﺎﻟﺜﺔ ﻭﻣﺎ
ﻃﻠﻌﺖ....... ؟؟؟؟؟؟
ﺟﺎﺕ ﺳﻤﻜﻪ ﻛﺒﻴﻴﻴﻴﻴﻴﻴﺮﻩ
ﻭﺑﻠﻌﺖ ﺍﻡ ﺗﻮﺏ ﺑﻨﻲ ﻣﻊ
ﻏﻄﺴﺘﻬﺎ ﺍﻟﺜﺎﻟﺜﺔ.
ﻗﻌﺪﺕ ﺍﻡ ﺗﻮﺏ ﺑﻨﻲ ﻓﻲ
ﺑﻄﻦ ﺍﻟﺴﻤﻜﺔ ﻳﻮﻡ ﻛﺎﻣﻞ.
ﻭﺭﺣﻤﻪ ﻣﻦ ﺭﺑﻨﺎ ﺍﺻﻄﺎﺩ
ﺍﻟﺴﻤﻜﺔ ﺻﻴﺎﺩ. ﻭﺑﻌﺪ ﺗﻌﺐ
ﻃﻠﻊ ﺍﻟﺴﻤﻜﻪ ﻫﻮ ﻭﻣﻌﺎﻩ
ﺍﻛﺘﺮ ﻣﻦ 10ﺭﺟﺎﻝ
ﻭﻓﺮﺣﺎﻧﻴﻦ ﻓﺮﺡ ﺷﺪﻳﺪ. ﺍﻡ
ﺗﻮﺏ ﺑﻨﻲ ﺳﻤﻌﺖ ﺻﻮﺕ
ﺍﻟﻨﺎﺱ ﻫﺎﻳﺠﺔ ﺑﻘﺖ ﺗﻜﻮﺭﻙ
‏( ﻃﻠﻌﻮﻧﻲ ﻃﻠﻌﻮﻧﻲ ‏) ﺍﻟﻨﺎﺱ
ﺧﺎﻓﺖ ﻭﻗﺎﻟﺖ ﺍﻟﺴﻤﻜﺔ
ﺑﺘﺘﻜﻠﻢ. ﺍﻟﺼﻴﺎﺩ ﻻﺣﻆ
ﺍﻟﺤﺮﻛﺔ ﻓﻲ ﺑﻄﻦ
ﺍﻟﺴﻤﻜﺔ , ﻃﻮﺍﻟﻲ ﺷﺎﻝ
ﺳﻜﻴﻨﺔ ﻭﺷﻖ ﺑﻄﻦ
ﺍﻟﺴﻤﻜﺔ. ﻭﻛﺎﻧﺖ ﺍﻟﻐﺮﻳﺒﺔ
ﻭﺍﻟﻌﺠﻴﺒﺔ ﺍﻟﺒﻨﺖ ﺍﻟﻄﻠﻌﺖ
ﻣﻦ ﺟﻮﻑ ﺍﻟﺴﻤﻜﺔ.
ﺍﻟﺼﻴﺎﺩ ﻗﺎﻝ ﻟﻴﻬﺎ ﻳﺎ ﺑﺘﻲ
ﺍﺣﻜﻲ ﻟﻲ ﻗﺼﺘﻚ
ﻭﺩﺧﻠﺘﻲ ﺟﻮﻩ ﺍﻟﺴﻤﻜﺔ
ﻛﻴﻒ.
ﻭﺣﻜﺖ ﻟﻴﻪ ﺍﻟﻘﺼﺔ ﻛﻠﻬﺎ.
ﻗﺎﻡ ﺣﻦ ﻋﻠﻴﻬﺎ ﻭﻗﺎﻝ ﻟﻴﻬﺎ
ﺗﻤﺸﻲ ﻣﻌﺎﻱ ﺍﻟﺒﻴﺖ
ﻭﺗﻘﻌﺪﻱ ﻣﻊ ﺑﻨﺎﺗﻲ ﻟﻤﻦ
ﺗﻠﻘﻲ ﺍﻫﻠﻚ.
ﻭﻗﻌﺪﺕ ﻣﻊ ﺍﻫﻞ ﺍﻟﺼﻴﺎﺩ.
ﻭﻛﻞ ﻳﻮﻡ ﺗﻄﻠﻊ ﻣﻊ ﺑﻨﺎﺗﻮ
ﻳﻠﻘﻄﻮﺍ ﺣﻄﺐ ﺍﻟﻮﻗﻮﺩ.
ﺗﻤﺸﻲ ﺗﻘﻴﻒ ﺗﺤﺖ ﺷﺠﺮﺓ
ﻛﺒﻴﺮﺓ ﻭﺗﻐﻨﻲ.
‏( ﻳﺎ ﻳﻤﺔ........... ﻳﺎ ﻳﻤﺔ
ﺍﻧﺎ ﺍﻡ ﺗﻮﺏ ﺑﻨﻲ
ﻭﺍﻟﺒﻨﻮﺕ ﺭﻣﻨﻲ ﻓﻲ
ﺍﻟﺒﺤﺮﻧﻲ
ﻳﺎ ﻳﺎ ﺑﻪ............. ﻳﺎ ﻳﺎﺑﻪ
ﺍﻧﺎ ﺍﻡ ﺗﻮﺏ ﺑﻨﻲ
ﻭﺍﻟﺒﻨﻮﺕ ﺭﻣﻨﻲ ﻓﻲ
ﺍﻟﺒﺤﺮﻧﻲ‏)
ﻭﺗﻘﻌﺪﺕ ﺗﺒﻜﻲ ﺑﻜﻰ ﻳﻘﻄﻊ
ﺍﻟﻘﻠﺐ
ﻛﻞ ﻳﻮﻡ ﺑﻨﻔﺲ ﺍﻟﻄﺮﻳﻘﺔ .
ﺍﻣﺎ ﻋﻦ ﺍﻫﻞ ﺍﻡ ﺗﻮﺏ
ﺑﻨﻲ. ﻣﺎ ﻋﺮﻓﻮﺍ ﺑﻨﺘﻬﻢ ﺩﻱ
ﻣﺸﺖ ﻭﻳﻦ. ﺧﻄﻔﻬﺎ ﻏﻮﻝ
ﻭﻻ ﻭﺣﺶ ﻭﻻ ﻣﺸﺖ ﻭﻳﻦ
ﻣﺎﻓﻲ ﺯﻭﻝ ﻋﺎﺭﻑ ﻋﺎﺭﻑ
ﻋﻨﻬﺎ ﺣﺎﺟﻪ. ﺍﻣﻬﺎ ﻣﺮﺿﺖ
ﻣﺮﺽ ﺷﺪﻳﺪ ﻭﺑﻘﺖ ﻣﺎ
ﺑﺘﺘﺤﺮﻙ. ﻭﺍﻻﺏ ﻛﻞ ﻳﻮﻡ
ﻳﻤﺸﻲ ﺍﻟﺒﺤﺮ ﺗﻨﺰﻝ ﺩﻣﻮﻋﻮﺍ
ﻭﻳﺮﺟﻊ ﺍﻟﺒﻴﺖ ﻻ ﺑﻴﻜﻠﻢ
ﺯﻭﻝ ﻭﻛﻞ ﻳﻮﻡ ﺑﻨﻔﺲ
ﺍﻟﻄﺮﻳﻘﺔ.
ﻭﻣﺮﺕ ﺍﻻﻳﺎﻡ.
ﻓﻲ ﻳﻮﻡ ﻭﻟﺪ ﺍﻟﺴﻠﻄﺎﻥ ﻃﻠﻊ
ﻳﺼﻄﺎﺩ. ﻭﺟﺎﺑﻮ ﺍﻟﻘﺪﺭ ﺟﻤﺐ
ﺍﻟﺸﺠﺮﻩ ﺍﻟﺒﺘﻐﻨﻲ ﻓﻴﻬﺎ ﺍﻡ
ﺗﻮﺏ ﺑﻨﻲ , ﻭﺳﻤﻊ ﻏﻨﺎﻫﺎ
ﻭﺑﻜﺎﻫﺎ. ﻭﻋﺠﺒﺘﻮﺍ ﻋﺠﺐ
ﺷﺪﻳﺪ. ﻃﻮﺍﻟﻲ ﺟﺎﻫﺎ ﻭﻗﺎﻝ
ﻟﻴﻬﺎ ﺍﺑﺸﺮﻱ ﻳﺎ ﺍﻡ ﺗﻮﺏ ﺑﻨﻲ
ﺍﻱ ﺣﺎﺟﻪ ﺩﺍﻳﺮﺍﻫﺎ ﺗﻠﻘﻴﻬﺎ.
ﺍﻡ ﺗﻮﺏ ﺑﻨﻲ ﺧﺎﻓﺖ
ﻭﺟﺮﺕ ﻋﻠﻰ ﺑﻨﺎﺕ
ﺍﻟﺼﻴﺎﺩ. ﻭﺑﻨﺎﺕ ﺍﻟﺼﻴﺎﺩ
ﻋﺮﻓﻮﻩ. ﻭﻃﻠﺐ ﻣﻨﻬﻢ ﻳﻤﺸﻲ
ﻣﻌﺎﻫﻢ ﻳﻘﺎﺑﻞ ﺍﺑﻮﻫﻢ. ﻭﻗﻌﺪ
ﻣﻊ ﺍﻟﺼﻴﺎﺩ ﻭﺣﻜﻰ ﻟﻴﻪ
ﺍﻟﻘﺼﺔ. ﻭﺍﻧﻮ ﻟﺤﺪﻱ ﻫﺴﻲ
ﻣﺎﻓﻲ ﺯﻭﻝ ﻋﺎﺭﻑ ﻋﻦ
ﺍﻫﻠﻬﺎ ﺣﺎﺟﺔ ﻭﻻ ﺍﻟﺠﻬﻪ
ﺍﻟﺠﺎﺕ ﻣﻨﻬﺎ.
ﻭﻟﺪ ﺍﻟﺴﻠﻄﺎﻥ ﻭﻋﺪ ﺍﻥ
ﻳﺴﺎﻋﺪﻫﻢ ﻭﻳﻠﻘﻰ ﻻﻡ ﺗﻮﺏ
ﺑﻨﻲ ﺍﻫﻠﻬﺎ.
ﻗﺎﻡ ﻭﻟﺪ ﺍﻟﺴﻠﻄﺎﻥ ﺳﺎﻓﺮ
ﻣﺪﻩ ﺛﻼﺙ ﺍﻳﺎﻡ ﻋﺸﺎﻥ
ﻳﻼﻗﻲ ﺍﻟﻌﺠﻮﺯ.
‏(ﺍﻟﻌﺠﻮﺯ ﺩﻱ ﻳﻌﻨﻲ
ﺍﻟﺤﻜﻴﻤﺔ ﻭﻣﺮﺃﻩ ﻣﺒﺼﺮﻩ
ﺑﺘﺸﻮﻑ ﻭﺑﺘﻌﺮﻑ ‏)
ﻭﺍﻭﻝ ﻣﺎ ﺩﺧﻞ ﻗﺎﻝ ﻟﻴﻬﺎ
ﻋﺠﻮﺯ ﻛﻼﻣﻚ ﻳﺠﻮﺯ.
ﻭﺭﻳﻨﻲ ﺍﻫﻞ ﺍﻡ ﺗﻮﺏ ﺑﻨﻲ
ﻭﻳﻦ.
ﺍﻟﻌﺠﻮﺯ ﻗﺎﻟﺖ ﻟﻴﻪ ﺗﻤﺸﻲ
ﺍﻟﺒﺤﺮ ﻭﺗﺘﺠﻪ ﺟﻪ ﺍﻟﺸﺮﻕ
ﺑﻌﺪ ﻋﺸﺮﺓ ﻟﻴﺎﻟﻲ ﺗﻠﻘﻰ
ﺭﻭﺣﻚ ﻋﻨﺪ ﺍﻫﻠﻬﺎ.
ﻓﺮﺡ ﻭﻟﺪ ﺍﻟﺴﻠﻄﺎﻥ. ﻭﻛﻠﻢ
ﺍﻟﺼﻴﺎﺩ ﻭﺍﻡ ﺗﻮﺏ ﺑﻨﻲ
ﻭﻓﻌﻼ ﺳﺎﻓﺮﻭﺍ ﻭﺍﻟﺼﻴﺎﺩ
ﺣﻠﻒ ﺍﻻ ﻳﻤﺸﻲ ﻣﻌﺎﻫﻢ
ﻳﻮﺻﻠﻮﺍ ﺍﻡ ﺗﻮﺏ ﺑﻨﻲ.
ﻓﻲ ﺍﻟﻴﻮﻡ ﺍﻟﻌﺎﺷﺮ ﻣﺎﻧﺎﻣﺖ
ﺍﻡ ﺗﻮﺏ ﺑﻨﻲ ﺍﻟﻠﻴﻞ ﻛﻠﻮﺍ
ﻭﻓﻲ ﺻﺒﺎﺡ ﺗﻌﺎﻳﻦ ﻟﻲ
ﺑﻌﻴﺪ ﻟﻘﺖ ﻟﻴﻬﺎ ﺍﺭﺽ ﺑﺎﻳﻨﻪ
ﻣﻦ ﺑﻌﻴﻴﻴﻴﻴﻴﻴﻴﺪ ﻟﻤﻦ ﻗﺮﺑﺖ
ﻋﺮﻓﺖ ﺍﻟﺒﻴﻮﺕ ﻭﺑﻘﺖ
ﺗﻜﻮﺭﻙ ﺩﻳﻞ ﺍﻫﻠﻲ ﺩﻳﻞ
ﻧﺎﺳﻲ. ﻭﺗﻠﻤﺖ ﺍﺧﻴﺮﺍ ﺑﺎﻣﻬﺎ
ﻭﺍﺑﻮﻫﺎ ﻭﺣﻜﺖ ﻟﻴﻬﻢ ﺍﻟﻘﺼﺔ
ﻣﻦ ﺍﻟﺒﻨﺎﺕ ﺭﻣﻮﻫﺎﻓﻲ ﺍﻟﺒﺤﺮ
ﻭﺍﻟﺼﻴﺎﺩ ﻟﻘﺎﻫﺎ ﻟﺤﺪﻱ
ﻣﺎﺭﺟﻌﺖ ﻟﻴﻬﻢ ﻛﻴﻒ.
ﻭﻃﻠﺒﺖ ﻳﻌﻔﻮﺍ ﻋﻦ ﺍﻟﺒﻨﺎﺕ.
ﻭﻭﻟﺪ ﺍﻟﺴﻠﻄﺎﻥ ﻃﻠﺐ ﻣﻦ
ﺍﺑﻮ ﺍﻡ ﺗﻮﺏ ﺑﻨﻲ ﺍﻧﻮﺍ
ﻳﻌﺮﺳﻬﺎﻭﺍﻻﺏ ﻗﺎﻝ ﻣﺎ
ﺑﻴﻮﺍﻓﻖ ﺍﻻ ﺍﻟﺼﻴﺎﺩ ﻳﻮﺍﻓﻖ.
ﻭﺍﻟﺼﻴﺎﺩ ﻃﺒﻌﺎ ﻭﺍﻓﻖ ﻭﺗﻢ
ﺍﻟﻌﺮﺱ .
ﻭﺍﻟﺒﻨﺎﺕ ﻛﺎﻥ ﻋﻘﺎﺑﻬﻢ ﺍﻧﻬﻢ
ﻋﻨﺴﻮﺍ ﻭﻣﺎﻓﻲ ﺯﻭﻝ ﺍﺷﺘﻐﻞ
ﺑﻴﻬﻢ ﻭﺑﻘﻮﺍ ﻣﻨﺒﻮﺫﺍﺕ ﻣﻦ
ﺍﻟﺠﻤﻴﻊ
الرجوع الى أعلى الصفحة اذهب الى الأسفل
http://wadbashir.2morpg.com
 
ام توب بني
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ودبشير ارض الشمال :: القسم الثاني اجتماعي :: المكتبة العامة :: الاحاجي السودانيه-
انتقل الى: