ودبشير ارض الشمال
مرحبا بالزاير الكريم انت لم تسجل بعد سارع
بالتسجيل
او الدخول
‏ ‏ نرجو ان تجدوا ما يسركم و نتعاون معا ليرتقي الي ما نصبو اليه

والله ولي التوفيق
ودبشير ارض الشمال

اسلاامي / اجتماعي / ثقافي / رياضي/ برامج والعاب / اكواد دعم منتديات
 
الرئيسيةالرئيسية  البوابةالبوابة  المنشوراتالمنشورات  التسجيلالتسجيل  دخول  صفحتنا على الفيس بكصفحتنا على الفيس بك  

شاطر | 
 

 تلاته اخوان

اذهب الى الأسفل 
كاتب الموضوعرسالة
Admin
Admin
avatar

عدد المساهمات : 795
تاريخ التسجيل : 30/03/2012
العمر : 62
الموقع : wadbashir.2morpg.Com

مُساهمةموضوع: تلاته اخوان   الأربعاء سبتمبر 21, 2016 8:56 am

ﺛﻼﺙ ﺍﺧﻮﺍﻥ
ﻛﺎﻥ ﻓﻲ ﺭﺍﺟﻞ ﻋﻨﺪﻭ ﺛﻼﺙ
ﺍﻭﻻﺩ ﻭﻋﻨﺪﻭﺍ ﺷﺠﺮﺓ ﺗﻔﺎﺡ
ﺑﺘﺸﻴﻞ ﻣﺮﻩ ﻓﻲ ﺍﻟﺴﻨﺔ
ﺛﻼﺙ ﺗﻔﺎﺣﺎﺕ. ﻛﻞ ﺗﻔﺎﺣﺔ
ﺑﺘﺴﺘﻮﻱ ﺑﻌﺪ ﺍﻟﺘﺎﻧﻴﺔ
ﺑﻴﻮﻡ.ﻳﻌﻨﻲ ﺍﻻﻭﻟﻰ ﻭﺍﻟﻴﻮﻡ
ﺍﻟﺒﻌﺪﻭ ﺍﻟﺘﺎﻧﻴﺔ ﻭﻫﻜﺬﺍ.
ﻭﻛﺎﻥ ﻓﻲ ﻏﻮﻝ ﺑﺲ
ﻣﺼﺎﻗﺮ ﺍﻟﺘﻔﺎﺣﺎﺕ ﺩﻱ. ﻳﺠﻲ
ﻛﻞ ﺳﻨﻪ ﻛﻞ ﻳﻮﻡ ﻳﺎﻛﻞ
ﺗﻔﺎﺣﻪ ﻟﻤﻦ ﻳﺨﻠﺼﻮﺍ.
ﺍﻻﺏ ﺍﺿﺎﻳﻖ ﺷﺪﻳﺪ ﻣﻦ
ﺍﻟﺤﺮﻛﺔ ﺩﻱ.ﻭﺍﺳﺘﻨﻰ
ﺍﻭﻻﺩﻭﺍ ﻟﻤﻦ ﻛﺒﺮﻭﺍ. ﻭﻧﺎﺩﺍﻫﻢ
ﻓﻲ ﻳﻮﻡ ﻭﻗﺎﻝ ﻟﻴﻬﻢ ﻛﻞ
ﺯﻭﻝ ﻳﺤﺮﺱ ﺗﻔﺎﺣﺘﻮﺍ.
ﺍﻟﻴﻮﻡ ﺍﻻﻭﻝ ﻛﺎﻥ ﻋﻠﻰ ﺍﻟﻮﻟﺪ
ﺍﻟﻜﺒﻴﺮ.ﻭﺩﻩ ﻛﺎﻧﺖ ﻣﺪﻟﻌﻪ
ﺣﺒﻮﺑﺘﻮ.ﺍﺑﻮﻩ ﺍﺩﺍﻩ ﺳﻴﻒ
ﻃﻮﻳﻞ ﻭﻗﺎﻝ ﻟﻴﻪ ﺍﺣﺮﺱ
ﺗﻔﺎﺣﺘﻚ.
ﺍﻟﻮﻟﺪ ﻗﺎﻋﺪ ﺍﻟﻠﻴﻞ ﻛﻠﻮ ﻭﻟﻤﻦ
ﺟﻪ ﺍﻟﻐﻮﻝ ﺧﺎﻑ ﻣﻨﻮ
ﻭﺩﺳﻪ. ﻭﺍﻟﻐﻮﻝ ﺍﻛﻞ ﺍﻟﺘﻔﺤﻪ
ﻭﻣﺸﻲ.
ﺍﻻﺏ ﻟﻤﻦ ﻋﺮﻑ ﺯﻝ ﻣﻦ
ﻭﻟﺪﻭ ﺯﻋﻞ ﺷﺪﻳﺪ ﻟﻜﻦ
ﻳﺴﻮﻱ ﺷﻨﻮ ﻧﺎﺩﻯ ﺍﻟﻮﻟﺪ
ﺍﻟﺜﺎﻧﻲ ﻭﻃﻠﺐ ﻣﻨﻮ ﻳﺤﺮﺱ
ﺗﻔﺎﺣﺘﻮ.
ﺍﻫﺎ ﺍﻟﻮﻟﺪ ﺍﻟﺜﺎﻧﻲ ﻛﺎﻧﺖ
ﻣﺪﻟﻌﻪ ﺍﻣﻮﺍ ﺩﻟﻊ
ﺷﺪﻳﺪ. ﻭﻗﻌﺪ ﺍﻟﻠﻴﻞ ﻛﻠﻮﺍ
ﻟﻤﻦ ﺟﻪ ﺍﻟﻐﻮﻝ ﺧﺎﻑ ﻣﻨﻮ
ﻭﺩﺳﻪ ﺯﻱ ﺍﺧﻮﻩ ﺍﻟﻜﺒﻴﺮ.
ﺍﻻﺏ ﻗﺮﺏ ﻳﻤﻮﺕ ﺗﺎﻧﻲ ﻳﻮﻡ
ﺍﻭﻻﺩﻭﺍ ﺍﻻﺛﻨﻴﻦ ﻭﺍﻟﻜﺒﺎﺭ
ﻃﻠﻌﻮﺍ ﺧﻮﺍﻓﻴﻦ.
ﻟﻜﻦ ﺍﻟﻌﻤﻞ ﺷﻨﻮ.ﻭﺟﻪ ﺩﻭﺭ
ﺍﻟﺼﻐﻴﺮ.
ﺍﻟﺼﻐﻴﺮ ﻛﺎﻥ ﺍﺣﺴﻦ ﻭﺍﺣﺪ
ﻓﻴﻬﻢ. ﻭﻗﻌﺪ ﺍﻟﻠﻴﻞ ﻛﻠﻮﺍ
ﻣﻨﺘﻈﺮ ﻟﻤﻦ ﺟﻪ ﺍﻟﻐﻮﻝ ﻗﺎﻡ
ﺿﺮﺑﻮﺍ ﺑﺎﻟﺴﻴﻒ.ﺍﻟﻐﻮﻝ
ﺟﺮﻯ. ﻭﻭﻟﺪ ﺍﻟﺼﺒﺎﺡ ﺣﻜﻰ
ﻻﺑﻮﻩ ﻭﺷﺎﻓﻮﺍ ﺩﻡ ﺍﻟﻐﻮﻝ
ﻋﺎﻣﻞ ﺍﺛﺮ. ﻭﺍﻟﺘﻔﺎﺣﻪ ﻗﺎﻋﺪﻩ
ﻓﻲ ﺍﻟﺸﺠﺮﻩ. ﺍﻻﺏ ﻗﻄﻔﻬﺎ
ﻭﺍﺩﺍﻫﺎ ﻟﻮﻟﺪﻭﺍ ﺍﻟﺼﻐﻴﺮ
ﻓﺮﺣﺎﻥ.
ﺍﻻﺏ ﻗﺎﻝ ﻻﺯﻡ ﻧﻤﺸﻲ
ﻧﻘﺺ ﺍﻟﺪﺭﺏ ﻭﻧﻘﺘﻞ ﺍﻟﻐﻮﻝ
ﺩﻩ ﻣﺎ ﺑﻨﺮﺗﺎﺡ ﻣﻨﻮ ﺍﻻﻳﻤﻮﺕ.
ﻗﺎﻡ ﺍﻻﺏ ﻭﺍﻭﻻﺩﻭ ﻗﺼﻮﺍ
ﺩﻡ ﺍﻟﻐﻮﻝ ﻟﺤﺪﻱ ﻣﺎ ﻭﺻﻠﻮﺍ
ﻟﻲ ﺣﻔﺮﺓ ﻛﺒﻴﺮﺓ. ﺍﻟﺤﻔﺮﺓ
ﺩﻱ ﺑﺘﻨﺰﻝ ﺳﺒﻌﻪ ﺍﺭﺍﺿﻲ
ﺗﺤﺖ. ﺍﻻﺏ ﻗﺎﻝ ﻻﻭﻻﺩﻭﺍ
ﺟﻴﺒﻮﺍ ﺣﺒﻞ ﻭﻳﻨﺰﻟﻮ ﻟﻠﺤﻔﺮﺓ
ﺗﺤﺖ. ﺍﻻﺏ ﻃﻠﺐ ﻣﻦ ﺍﻻﺑﻦ
ﺍﻻﻛﺒﺮ ﺍﻧﻮ ﻳﻨﺰﻝ ﺍﻭﻝ. ﻃﺒﻌﺎ
ﻫﻮ ﺑﻴﺨﺎﻑ ﻟﻜﻦ ﻗﺎﻝ ﻻﺑﻮﻩ
ﺑﻴﺤﺎﻭﻝ. ﺍﺑﺘﺪﻭﺍ ﻳﻨﺰﻟﻮﻩ ﻟﻤﻦ
ﻇﻠﻤﺖ ﺍﻟﺤﺘﻪ ﻗﻌﺪ ﻳﻜﻮﺭﻙ
‏( ﺍﺭﻓﻌﻮﻧﻲ
ﺍﺭﻓﻌﻮﻧﻲ ‏). ﻭﻃﻠﻌﻮﻩ ﻣﻦ
ﺍﻟﺤﻔﺮﻩ. ﺍﻻﺑﻦ ﺍﻟﺜﺎﻧﻲ ﻧﺰﻝ
ﻭﺑﺮﺿﻮﺍ ﻣﺎ ﻭﺻﻞ ﻧﺺ
ﺍﻟﻤﺴﺎﻓﺔ ﻗﻌﺪ ﻳﻜﻮﺭﻙ
‏( ﺍﺭﻓﻌﻮﻧﻲ
ﺍﺭﻓﻌﻮﻧﻲ ‏). ﻭﺭﻓﻌﻮﻩ ﺍﻻﺑﻦ
ﺍﻟﺼﻐﻴﺮ ﻗﺎﻝ ﻻﺑﻮﻩ ﻧﺰﻟﻨﻲ
ﻭﻟﻮ ﻗﻠﺖ ﻟﻚ ﺍﺭﻓﻌﻮﻧﻲ ﻣﺎ
ﺗﺮﻓﻌﻮﻧﻲ ﻧﺰﻟﻮﻧﻲ ﺯﻳﺎﺩﻩ.
ﻭﻓﻌﻼ ﺷﻐﺎﻝ ﻟﻴﻬﻢ ﻧﺰﻟﻮﻧﻲ
ﻧﺰﻟﻮﻧﻲ ﻟﻤﻦ ﻭﺻﻞ ﺍﺧﺮ
ﺍﻟﺤﻔﺮﺓ.
ﻭﻟﻘﻰ ﺷﻨﻮ !!!!!!!!!
ﻟﻘﻰ ﺛﻼﺙ ﺑﻨﺎﺕ ﻭﻭﺣﺪﻩ
ﻓﻴﻬﻢ ﺟﻤﻴﻠﺔ ﺟﻤﺎﻝ ﻣﺎ
ﻋﺎﺩﻱ. ﻗﺎﻡ ﺳﺎﻟﻬﻢ ﺍﻧﺘﻮﺍ ﻣﻦ
ﻭﻳﻦ. ﻗﺎﻟﻮﺍ ﻧﺤﻨﺎ ﺧﻄﻔﻨﺎ
ﺍﻟﻐﻮﻝ ﻣﻦ ﺍﻫﻠﻨﺎ.ﻭﺳﺎﻟﻬﻢ
ﺍﻟﻐﻮﻝ ﻭﻳﻦ. ﻗﺎﻟﺖ ﻟﻴﻪ ﺍﺣﻠﻰ
ﻭﺣﺪﻩ ﻓﻴﻬﻢ ﻓﻲ ﺍﺧﺮ ﺍﻟﻤﻤﺮ
ﺩﻩ ﻟﻜﻦ ﺍﻋﻤﻞ ﺣﺴﺎﺑﻚ
ﺍﻟﻐﻮﻝ ﻟﻤﻦ ﻳﻜﻮﻥ ﻣﻐﻤﺾ
ﻋﻴﻮﻧﻲ ﻳﻌﻨﻲ ﺻﺎﺣﻲ
ﻭﻟﻤﻦ ﻳﻜﻮﻥ ﻣﻔﺘﺢ
ﻧﺎﻳﻢ.ﺍﺿﺮﺑﻮﺍ ﺛﻼﺙ ﺿﺮﺑﺎﺕ
ﻟﻮ ﻗﺎﻝ ﻟﻴﻚ ﺯﻳﺪﻧﻲ ﻣﺎ
ﺗﺰﻳﺪﻭﺍ.
ﻭﻓﻌﻼ ﻣﺸﻰ ﻃﻮﺍﻟﻲ ﻟﻘﺎﻩ
ﻣﻔﺘﺢ ﻋﻴﻮﻧﻮ. ﻭﺑﺴﻴﻔﻮﺍ
ﺿﺮﺑﻮ ﺍﻟﻀﺮﺑﺔ ﺍﻻﻭﻟﻰ
ﻭﺍﻟﻀﺮﺑﺔ ﺍﻟﺜﺎﻧﻴﺔ ﻭﺍﻟﻀﺮﺑﺔ
ﺍﻟﺜﺎﻟﺜﺔ . ﻭﺑﻌﺪﻫﺎ ﻗﻌﺪ
ﻳﻜﻮﺭﻙ ﺯﻳﺪﻧﻲ
ﺯﻳﺪﻧﻲ.ﻭﻃﺒﻌﺎ ﻛﺎﻥ ﻋﺎﺭﻑ
ﺍﻟﻠﻌﺒﻪ ﻛﻮﻳﺲ ﻭﺍﺑﻰ ﻣﺎ
ﻳﺰﻳﺪﻭﺍ.
ﻭﺍﻟﻐﻮﻝ ﻃﻮﺍﻟﻲ ﺭﻭﺣﻮﺍ
ﻣﺮﻗﺖ. ﻭﺑﻌﺪ ﻣﺎ ﻣﺎﺕ ﻓﺮﺡ
ﺍﻻﺑﻦ ﺍﻟﺼﻐﻴﺮ.
ﻭﻣﺸﻰ ﻟﻠﺒﻨﺎﺕ ﻗﺎﻡ ﻃﻠﻊ
ﺍﻟﺒﻨﺖ ﺍﻻﻭﻟﻰ ﻭﺍﻟﺒﻨﺖ
ﺍﻟﺜﺎﻧﻴﺔ ﻭﺍﻟﺒﻨﺖ ﺍﻟﺴﻤﺤﺔ
ﻗﺎﻝ ﻟﻴﻬﺎ ﺍﻧﺎ ﺑﻄﻠﻊ ﻭﺍﻧﺰﻝ
ﻟﻚ ﺍﻟﺤﺒﻞ ‏(ﺧﺎﻑ ﺍﺧﻮﺍﻧﻮﺍ
ﻳﺘﺸﺎﻛﻠﻮﺍ ﻓﻴﻬﺎ ‏) ﻭﺍﻟﺒﻨﺖ
ﻗﻌﺪﺕ ﺗﺒﻜﻲ ﻭﺧﺎﻓﺖ
ﻳﺨﻠﻮﻫﺎ ﻭﻳﻤﺸﻮﺍ. ﺍﻟﻤﻬﻢ ﺣﻦ
ﻋﻠﻴﻬﺎ ﻭﻓﻌﻼ ﻃﻠﻌﻬﺎ ﻗﺒﻠﻮﺍ.
ﻭﺣﺼﻞ ﺍﻟﻜﺎﻥ ﻣﺘﻮﻗﻌﻮﺍ
ﺍﻻﺧﻮﻳﻦ ﺍﺗﺸﺎﻛﻠﻮﺍ ﻓﻲ
ﺍﻟﺒﻨﺖ ﻭﺍﻻﺏ ﻗﻌﺪ ﻳﺤﺎﻭﻝ
ﻳﺤﺠﺰ ﻭﻗﺎﻡ ﺍﻟﺤﺒﻞ ﺍﺗﻔﻠﺖ
ﻭﻭﻗﻊ ﻭﺧﻠﻮﺍ ﺑﻄﻠﻨﺎ ﻗﺎﻋﺪ
ﺗﺤﺖ ﻓﻲ ﺍﺧﺮ ﺍﻟﺤﻔﺮﺓ ﻋﻠﻰ
ﺑﻌﺪ ﺳﺒﻊ ﺍﺭﺍﺿﻲ.
ﺁﻩ ﻟﻤﻦ ﺍﻟﺒﻄﻞ ﻓﻀﻞ
ﺗﺤﺖ. ﻭﺑﻘﺖ ﻋﻠﻴﻪ
ﻣﺼﻴﺒﺘﻴﻦ. ﺍﻟﺒﻨﺖ ﺍﻟﺴﻤﺤﺔ
ﺍﻟﺮﺍﺣﺖ. ﻭﻗﻌﺎﺩﻭﺍ ﻓﻲ
ﺍﻟﺤﻔﺮﺓ.
ﻗﺎﻡ ﺻﺎﺣﺒﻨﺎ ﻣﺸﻰ
ﺗﺤﺖ. ﻭﻟﻘﻰ ﺍﻟﻌﺠﺎﺋﺐ.ﻧﻔﺲ
ﺍﻟﻔﻮﻕ ﺗﺤﺖ ﻭﻟﻘﻰ ﺑﺤﺮ
ﻭﻗﻌﺪ ﻳﺘﺎﻣﻞ ﻓﻴﻪ.ﺑﻌﺪ
ﺷﻮﻳﺔ ﺳﻤﻊ ﺻﻮﺕ ﺯﻭﻝ
ﺑﻴﺒﻜﻲ. ﻗﺎﻡ ﻳﻔﺘﺶ
ﻭﻳﺘﻠﻔﺖ. ﻭﻟﻘﻰ ﺷﺎﻓﻌﺔ
ﺑﺘﺒﻜﻲ. ﻭﺳﺎﻟﻬﺎ ﻣﺎﻟﻚ.ﻗﺎﻟﺖ
ﻟﻴﻪ ﻓﻲ ﺗﻤﺴﺎﺡ ﻛﺒﻴﺮ ﻗﺎﻋﺪ
ﻓﻲ ﺍﻟﺒﺤﺮ ﺩﻩ ،ﻭﻻ ﺑﻴﺨﻠﻲ
ﺯﻭﻝ ﻳﺸﺮﺏ ﻣﻨﻮ.ﻭﺍﻱ ﺯﻭﻝ
ﺍﻱ ﺣﻴﻮﺍﻥ ﺍﻱ ﺷﻲ ﻳﻘﺮﺏ
ﻳﺒﻠﻌﻮﺍ. ﻭﺍﻫﻠﻲ ﺑﻘﻮﺍ
ﻋﻄﺸﺎﻧﻴﻦ.ﻭﺣﺎﻟﺘﻨﺎ
ﺣﺎﻟﺔ. ﻗﺎﻡ ﺩﻕ ﺻﺪﺭﻭﺍ ﻭﻗﺎﻝ
ﻟﻴﻬﺎ ﻣﺎ ﺗﺨﺎﻓﻲ ﺑﻌﻮﻥ ﺍﻟﻠﻪ
ﺍﻗﺪﺭ ﻋﻠﻴﻪ.ﻭﻣﺸﻲ ﻋﻨﺪ
ﻃﺮﻑ ﺍﻟﺒﺤﺮ.ﻭﻓﺠﺄﺓ ﻃﻠﻌﺖ
ﻣﻮﺟﺔ ﻛﺒﻴﺮﺓ ﻭﻃﻠﻊ ﻣﻨﻬﺎ
ﺍﻟﺘﻤﺴﺎﺡ.ﻛﺒﻴﺮ ﺷﺪﻳﺪ ﻭﻟﻮﻧﺔ
ﺍﺳﻮﺩ ﻭﻣﺨﻴﻒ. ﻭﺑﺴﺮﻋﺔ
ﺟﻪ ﻓﺎﺗﺢ ﺧﺸﻤﻮﺍ ﻳﺒﻠﻊ
ﺍﻟﺒﻄﻞ. ﻗﺎﻡ ﻃﻮﺍﻟﻲ ﺑﺴﻴﻔﻮﺍ
ﺿﺮﺏ ﺍﻟﺘﻤﺴﺎﺡ ﻭﻗﻄﻊ ﻟﻴﻪ
ﺭﺍﺳﻮﺍ ﻭﻗﺘﻠﻮﺍ. ﺍﻟﺒﻨﺖ
ﻓﺮﺣﺖ ﻓﺮﺡ ﻭﺟﺮﺕ ﻟﻲ
ﺍﻫﻠﻬﺎ ﻛﻠﻤﺘﻬﻢ.
ﺍﺗﻠﻤﻮﺍ ﺍﻟﻨﺎﺱ ﻳﺸﻜﺮﻭﺍ ﻓﻴﻪ
ﻭﻋﻠﻰ ﺣﺴﻦ ﺍﻟﺠﻤﻴﻞ. ﺍﻟﺒﻨﺖ
ﺍﻟﺼﻐﻴﺮﺓ ﺟﺮﺕ ﻭﺟﺎﺑﺖ ﻟﻴﻪ
ﺗﻮﺏ ﻣﺮﺳﻮﻡ ﻓﻲ ﺳﺤﺎﺏ
ﻭﻧﺠﻮﻡ ﻭﻗﺎﻟﺖ ﻟﻴﻪ ﺩﻩ ﺗﻮﺏ
ﺍﻟﺴﻤﺎﺀ.ﻭﻋﻠﻴﻚ ﺍﻟﻠﻪ ﺷﻴﻠﻮﺍ
ﺑﺘﺤﺘﺎﺟﻮﺍ ﻭﺍﺻﺮﺕ
ﻋﻠﻴﻪ.ﻭﺍﻫﻞ ﺍﻟﻘﺮﻳﺔ ﻗﺎﻟﻮﺍ ﻟﻪ
ﻟﻮ ﺍﺣﺘﺠﺖ ﺍﻱ ﺷﻲ ﻗﻮﻝ
ﻟﻴﻨﺎ.
ﻗﺎﻝ ﻟﻴﻬﻢ ﺩﺍﻳﺮ ﺍﻃﻠﻊ ﻓﻮﻕ
. ﻗﺎﻡ ﻭﺍﺣﺪ ﻛﺒﻴﺮ ﺍﺷﺮ ﻟﻴﻪ
ﻓﻮﻕ ﻓﻲ ﺍﻟﺠﺒﻞ ﻓﻲ ﺭﺍﺟﻞ
ﻋﺠﻮﺯ ﺑﻴﻌﺮﻑ ﺍﻱ ﺷﻲ
ﺍﻣﺸﻲ ﻋﻠﻴﻪ ﻭﺍﺳﺎﻟﻮﻩ.
ﻗﺎﻡ ﻣﺸﻲ ﻃﻠﻊ ﺍﻟﺠﺒﻞ
ﻭﻟﻘﻰ ﺍﻟﺮﺍﺟﻞ ﺍﻟﻌﺠﻮﺯ
ﺑﻴﺮﻋﻰ ﻓﻲ ﺍﻟﻐﻨﻢ ﻭﺣﺪﺍﺕ
ﺑﻴﺾ ﻭﻭﺣﺪﺍﺕ ﺳﻮﻭﺩ.
ﻭﺳﺎﻟﻮﺍ ﻛﻴﻒ ﺍﻟﻄﻠﻮﻉ ﻟﻲ
ﻓﻮﻕ.
ﺍﻟﻌﺠﻮﺯ ﻗﺎﻝ ﻟﻴﻪ ﺷﻔﺖ
ﻏﻨﻤﻲ ﺩﻳﻞ ﻏﻤﺾ ﻋﻴﻮﻧﻚ
ﻭﺍﻣﺴﻚ ﻭﺣﺪﺓ ﻣﻦ ﺍﻟﻐﻨﻢ
ﺩﻳﻞ ﻟﻮ ﻃﻠﻌﺖ ﺑﻴﻀﺎﺀ
ﺑﻄﻠﻌﻚ ﻓﻮﻕ ﻭﻟﻮ ﺳﻮﺩﺍﺀ
ﺣﺘﻐﻄﺴﻚ ﺗﺎﻧﻲ ﺳﺒﻊ
ﺍﺭﺍﺿﻲ ﻟﺘﺤﺖ.
ﺍﻟﺒﻄﻞ ﻗﺎﻡ ﻏﻤﺾ ﻋﻴﻮﻧﻮﺍ
ﻭﻣﺴﻚ ﻭﺣﺪﻩ ﻟﻤﻦ ﻓﺘﺢ
ﻋﻴﻮﻧﻮﺍ ﻟﻘﺎﻫﺎ ﺳﻮﺩﺍﺀ.ﻭﻫﺐ
ﻟﻘﻰ ﺭﻭﺣﻮﺍ ﻧﺰﻝ ﺳﺒﻊ
ﺍﺭﺍﺿﻲ ﺗﺎﻧﻲ ﻟﻲ
ﺗﺤﺖ. ﺣﻈﻮﺍ ﺗﺎﻧﻲ ﺧﺎﻧﻮﺍ.
ﻭﻫﻮ ﻣﺎﺷﻲ ﻳﻠﻌﻦ ﻓﻲ
ﺣﻈﻮﺍ ﻓﺠﺄﻩ ﺍﻻﺭﺽ ﻇﻠﻤﺖ
ﻭﻋﺎﻳﻦ ﻟﻲ ﻓﻮﻕ ﻟﻘﻰ ﻃﺎﺋﺮ
ﻛﺒﻴﻴﻴﺮ ﻭﺿﺨﻢ.ﻧﺰﻝ ﺗﺤﺖ
ﻭﺧﻄﻒ ﻟﻴﻪ ﺧﺮﻭﻑ . ﻭﺑﻌﺪ
ﺷﻮﻳﺔ ﺗﺎﻧﻲ ﺟﻪ. ﻭﻓﻜﺮ
ﻳﻤﻜﻦ ﺍﻟﻄﺎﺋﺮ ﺩﻩ ﻳﻄﻠﻌﻨﻲ
. ﻭﻣﺸﻰ ﺑﺮﺍﺣﺔ ﻭﺍﺗﻌﻠﻖ ﻓﻲ
ﺍﻟﻄﺎﺋﺮ.
ﺍﻟﻄﺎﺋﺮ ﻃﺎﺭ ﻭﺭﻛﻪ ﻓﻲ
ﻋﺸﻮﺍ.ﻭﺭﻣﻰ ﺍﻻﻛﻞ ﻟﻲ
ﻛﺘﺎﻛﻴﺘﻮﺍ. ﺍﻟﺒﻄﻞ ﻧﺰﻝ ﻭﻗﻌﺪ
ﻓﻲ ﺍﻟﻌﺶ . ﻭﺧﻠﻲ ﺍﻟﻄﺎﺋﺮ
ﻳﻄﻴﺮ ﺑﻌﻴﺪ.
ﻛﺎﻥ ﺗﻌﺒﺎﻥ ﺷﺪﻳﺪ.ﻭﻧﺰﻭﻱ
ﻓﻲ ﺭﻛﻦ ﺍﻟﻌﺶ ﻭﻧﺎﻡ.
ﺻﺤﻰ ﻋﻠﻰ ﺻﻮﺕ
ﺍﻟﻜﺘﺎﻛﻴﺖ ﺑﺘﻜﻮﺭﻙ
ﺧﺎﻳﻔﺔ،ﻭﻟﻘﻰ ﺍﻟﺪﺑﻴﺐ
ﻣﺎﺷﻲ ﻋﻠﻴﻬﺎ. ﺑﺴﺮﻋﻪ
ﺿﺮﺏ ﺍﻟﺪﺑﻴﺐ
ﻭﻗﺘﻠﻮﺍ.ﻭﺷﺎﻟﻮﺍ ﺟﺪﻋﻮﺍ ﺑﺮﻩ
ﺍﻟﻌﺶ.ﺍﻟﻜﺘﺎﻛﻴﺖ ﺣﺒﺘﻮﺍ
ﻻﻧﻮ ﺍﻧﻘﺬﻫﺎ ﻭﺍﺗﻠﻤﺖ
ﺣﻮﻟﻴﻨﻮﺍ.ﻭﻓﺠﺄﺓ ﺟﺎﺕ
ﺍﻣﻬﻢ. ﻭﺷﺎﻓﺘﻮﺍ ﻗﺎﻋﺪ ﻓﻲ
ﺍﻟﻌﺶ. ﻭﻫﺠﻤﺖ ﻋﻠﻴﻪ ﺩﺍﻳﺮﺓ
ﺗﻘﺘﻠﻮﺍ. ﺍﻟﻜﺘﺎﻛﻴﺖ ﺍﺗﻠﻤﺖ
ﻓﻴﻪ ﻭﻏﻄﺘﻮﺍ ﻭﻗﻌﺪﺕ
ﺗﺼﺮﺥ ﻓﻲ ﺍﻣﻬﺎ ﻣﺎ ﺗﻘﺘﻠﻴﻪ
ﺩﻩ ﺍﻧﻘﺬﻧﺎ ﻣﻦ ﺍﻟﺪﺑﻴﺐ ﻛﺎﻥ
ﺩﺍﻳﺮ ﻳﺎﻛﻠﻨﺎ.ﻳﺄﻣﻨﺎ ﻋﺎﻳﻨﻲ
ﺑﺮﺓ ﺍﻟﻌﺶ.
ﻭﻓﻌﻼ ﻋﺎﻳﻨﺖ ﻟﻘﺖ ﺍﻟﺪﺑﻴﺐ
ﻣﻘﺘﻮﻝ. ﻭﺗﺎﺳﻔﺖ ﻟﻠﺒﻄﻞ
ﻭﺷﻜﺮﺗﻮﺍ ﻋﻠﻰ ﺍﻧﻘﺎﺫ
ﺍﻭﻻﺩﻫﺎ.ﻭﻗﺎﻟﺖ ﻟﻴﻪ ﺍﻃﻠﺐ
ﺍﻱ ﺷﻲ.
ﻗﺎﻝ ﻟﻴﻬﺎ ﺩﺍﻳﺮ ﺍﻃﻠﻊ ﻓﻮﻕ.
ﻓﻮﻕ 14 ﺍﺭﺽ.
ﺳﻜﺘﺖ ﺷﻮﻳﺔ ﺍﻟﻄﺎﺋﺮ ﺍﻻﻡ
ﻭﻗﺎﻟﺖ ﻟﻴﻪ ﺍﻟﺮﺣﻠﺔ ﻣﺘﻌﺒﺔ
ﻟﻜﻦ ﺍﻧﺎ ﺑﻮﺻﻠﻚ. ﻟﻜﻦ ﺍﻧﺎ
ﺑﺤﺘﺎﺝ ﻟﻲ
10 ﺧﺮﻓﺎﻥ. ﻭ 20ﻗﺰﺍﺯﺓ ﻣﻮﻳﺔ
ﻋﺸﺎﻥ ﺗﻮﺻﻠﻨﺎ. ﻗﺎﻝ ﻟﻴﻬﺎ ﻣﺎ
ﻣﺸﻜﻠﺔ ﻭﻓﻌﻼ ﻟﻢ ﺍﻟﻌﺸﺮ
ﺧﺮﻓﺎﻥ.ﻭﺍﻟﻌﺸﺮﻳﻦ ﻗﺰﺍﺯﺓ
ﻣﻮﻳﺔ. ﻭﺭﺑﻄﻬﻢ ﻭﺷﺎﻟﻬﻢ
ﻓﻮﻕ ﻇﻬﺮ ﺍﻟﻄﺎﺋﺮ
ﺍﻻﻡ.ﻭﺍﻟﻜﺘﺎﻛﻴﺖ ﺍﺗﻠﻤﺖ
ﻓﻴﻪ. ﻭﺍﺩﺗﻮﺍ ﺗﻮﺏ ﻣﺮﺳﻮﻡ
ﻓﻴﺔ ﺟﺒﺎﻝ ﻭﺍﻧﻬﺎﺭ ﻭﻗﺎﻟﺖ
ﻟﻴﻪ ﺩﻩ ﺗﻮﺏ ﺍﻻﺭﺽ. ﺷﻴﻠﻮﺍ
ﺑﺘﺤﺘﺎﺟﻮﺍ.
ﻭﻓﻌﻼ ﺍﻟﺮﺣﻠﺔ ﻛﺎﻧﺖ ﺻﻌﺒﺔ
ﻭﻃﻮﻳﻠﺔ ﻭﻫﻮ ﻛﻞ ﺷﻮﻳﺔ
ﻳﺠﺪﻉ ﺍﻻﻛﻞ ﻭﺍﻟﻤﻮﻳﺔ
ﻟﻠﻄﺎﺋﺮ ﻟﺤﺪﻱ ﻣﺎ ﻭﺻﻠﻮﺍ.
ﻭﺑﻌﺪ ﻭﺻﻞ ﻓﺮﺡ ﺑﻌﻮﺩﺗﻮﺍ
ﻭﺷﻜﺮ ﺍﻟﻄﺎﺋﺮ. ﻭﺗﺠﻪ ﻟﻲ
ﺑﻴﺘﻮﺍ.
ﻟﻘﻰ ﺍﻻﺏ ﻗﺎﻋﺪ ﻭﺍﻭﻝ
ﻣﺎﺷﺎﻓﻮﺍ ﻓﺮﺡ ﺑﻴﻪ ﺑﻌﺪ ﻣﺎ
ﺍﻓﺘﻜﺮﻭﺍ ﻣﺎﺕ ﺗﺤﺖ ﻓﻲ
ﺍﻟﺤﻔﺮﺓ.
ﺍﻟﺒﻄﻞ ﺣﻜﻰ ﻟﻼﺏ ﺍﻟﻘﺼﺔ
ﻛﻠﻬﺎ.
ﻭﺳﺎﻟﻮﺍ ﻣﻦ ﺍﻟﺒﻨﺖ ﺍﻻﺧﻴﺮﺓ
ﺍﻻﺏ ﺿﺤﻚ.ﻭﻗﺎﻝ ﻟﻴﻪ
ﺍﻟﺒﻨﺖ ﺩﻱ ﻃﻠﻌﺖ ﺑﻨﺖ
ﺍﻟﺴﻠﻄﺎﻥ.ﻭﺍﺧﻮﺍﻧﻚ ﺍﻻﺛﻨﻴﻦ
ﻣﺸﻮﺍ ﻳﺨﻄﺒﻮﻫﺎ ﻭﺭﻓﻀﺘﻬﻢ
ﻗﺎﻟﺖ ﻣﻬﺮﻫﺎ ﺗﻮﺑﻴﻦ. ﺗﻮﺏ
ﺍﻟﺴﻤﺎﺀ ﻭﺗﻮﺏ ﺍﻻﺭﺽ.
ﻭﻳﺎ ﻭﻟﺪﻱ ﺍﻟﺘﻮﺑﻴﻦ ﻋﻨﺪﻙ
ﺍﺭﺡ ﻫﺴﻲ ﻧﻤﺸﻲ ﻧﺨﻄﺒﻬﺎ.
ﻭﻣﺸﻮﺍ ﻟﻲ ﺍﻟﺴﻠﻄﺎﻥ
ﻭﺣﻜﻮﺍ ﻟﻴﻪ ﺍﻟﻘﺼﺔ ﻭﻛﻴﻒ
ﺍﻟﺘﻮﺑﻴﻦ ﻭﺻﻠﻮﺍ ﻋﻨﺪ
ﺍﻟﺒﻄﻞ.ﺍﻟﺴﻠﻄﺎﻥ ﻓﺮﺡ ﻭﻗﺎﻝ
ﻟﻠﺒﻄﻞ ﻭﺍﻟﻠﻪ ﻛﺎﻥ ﺟﻴﺘﻨﻲ
ﻣﻦ ﻏﻴﺮ ﺍﻟﺘﻮﺑﻴﻦ ﺍﻧﺎ ﻛﻨﺖ
ﺡ ﺍﻋﺮﺱ ﻟﻴﻚ ﺑﻨﺘﻲ.
ﻭﻗﺎﻣﺖ ﺍﻻﻓﺮﺍﺡ ﺑﺰﻭﺍﺝ
ﺍﻟﺒﻄﻞ ﺑﺎﻻﻣﻴﺮﺓ ﺑﻨﺖ
ﺍﻟﺴﻠﻄﺎﻥ
الرجوع الى أعلى الصفحة اذهب الى الأسفل
http://wadbashir.2morpg.com
 
تلاته اخوان
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ودبشير ارض الشمال :: القسم الثاني اجتماعي :: المكتبة العامة :: الاحاجي السودانيه-
انتقل الى: