ودبشير ارض الشمال
مرحبا بالزاير الكريم انت لم تسجل بعد سارع
بالتسجيل
او الدخول
‏ ‏ نرجو ان تجدوا ما يسركم و نتعاون معا ليرتقي الي ما نصبو اليه

والله ولي التوفيق
ودبشير ارض الشمال

اسلاامي / اجتماعي / ثقافي / رياضي/ برامج والعاب / اكواد دعم منتديات
 
الرئيسيةالرئيسية  البوابةالبوابة  المنشوراتالمنشورات  التسجيلالتسجيل  دخول  صفحتنا على الفيس بكصفحتنا على الفيس بك  

شاطر | 
 

 الشاعر حسن الدابى-

اذهب الى الأسفل 
كاتب الموضوعرسالة
Admin
Admin
avatar

عدد المساهمات : 795
تاريخ التسجيل : 30/03/2012
العمر : 62
الموقع : wadbashir.2morpg.Com

مُساهمةموضوع: الشاعر حسن الدابى-   الجمعة ديسمبر 05, 2014 3:44 pm

--- بره (الكديسه)


تسرقي ضحى ونهار آ بره مالك
لا الطير انعدم لا الفار غلالك
مالي رامي نفسك في المهالك
تراها مديني قالوا مشركالك
حالفي من البلد تقلع نعالك
وحالفي لمتا فيك بي عود تتلافالك
وحالفي قبل الجاك تزنك بي شوالك
في دخولك وفي مروقك ختي بالك
انتي لا تامنيها كاتلي كتير قبالك
تعضعض في ايدا تهرج وشايلي حالك
وحالفي لمتا فيك بي عود تتلافالك

برة : مديني حلفت ما تخليك
ان طلعتي سكنتي في امية التمر ديك
طول ليلا ونهارا فزع بنوته باريك
لا التمر طلعنو.. سارقي اللحمة اتاريك
تفتحي في المغتغت برة شن ليك
لحم نص كيلو مو سوسيوة سيك سيك
برة جابوك للجقور خاب ظنهم فيك
يال البقيتي بلاوي رب العزة يبليك

البنات قالن لي فازعاهن مديني
في التمر طالعات ورا برة المسكيني
هي تهرج وشايلي فرار السنيني
وتقول لهن انهرنها ها التجيني
أماني آ برة عندي عليك غبيني
يوم سارقي اللحم .. ويوم اللبيني؟


حبيب قلبى

-----------




حبيب قلبى عشان بريدو مناى قصدى اشوف جديدو
آخ ووب من تلة ايدو آه من حزَاز وريدو
نما الياسمين فوق خديدو جمالو خلقة الله سيدو
ظهر فى جبينو فرهيدو حمام الايك تغريدو
ثمار الرمان نهيدو ضمر هافو برز فنيدو
جدياً ضارب هويدو شرك صياد ما بيصيدو
قريرك سافلو وصعيدو بسمتك تحيا وتبيدو
كواحلو العاشق تصيدو سبيو حلاتو عربيدو
عزولك تقَلو قيدو اما حسن لاتكيدو
مكلبش انا بى حديدو اصرَ على تأبيدو
حبوب يا الورر،






حبوب يا الورر، فارس وكت تنزر

خليت البحر فوق في المتر عسكر

قلبك من حديد عينيك حمرة شرر

وحقيت الشكر والله ما قصر

وكت اترابعوك في الخامس انت حدر

لفيت الضنب قنبت فوقو ككر

كل ما جوك زي فرخ الاسد تنصر

كيف حالن يكون بالله لو طفر

حرشو فلة فوقك جات تنسوي النجر

من سوطين تزغرد حسها اتكسر

القعو في الحفير بي حلقو ليك هدر

والجندب يرغرد لك يسوي الصر

قسم السيد حقب عكازو لاهلو سدر

يا اخوانا ابعدو والله شكلو خطر


 
[ltr]
مادام طار جنى الوزين [/ltr]
[ltr]مادام طار جنى الوزين
يادوب قل نوم العين
لرؤياك مشتاقين 
خطفتا قلوبنا ركيت وين
آذاي ما بينفعه التحصين 
ولا الفقرا البقيموا الدين
قولو ليّ يامسكين 
عليك ظلم الحسن وحسين 
جسمو عبير ومن ياسمين 
وارضو قرير أعز الطين
مقبول هادئ طبعو رزين 
في الكون ما لقيتلو وزين
أشكيك يادهر لمين 
بلا الخلق البشر من طين 
قلبك قاسي مابيلين 
وليه الناس بيقولوا حنين 
يا أخي القاه الصبر من وين 
ما دام عيشتي نوح وحنين[/ltr]
 
 
   
الرجوع الى أعلى الصفحة اذهب الى الأسفل
http://wadbashir.2morpg.com
 
الشاعر حسن الدابى-
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ودبشير ارض الشمال :: القسم الخامس :: شعر وشعرا-
انتقل الى: